zem schwarze Duume
Dr schwarz Duume isch e loggery Grubbe vo Lyt, wo dr Plausch het an dr Schprooch vo dr scheene Schtadt am Babbe Rhyy.
S het Zeedeldichter, Bänggler und Schriftschteller drunter - aber au e ganzy Hampfle vo "aifach" Aagfrässene.
Ney-Grindet het die "Zunft" dr Stefan und dr mjps vo de Antiquierte, noodäm e aabottene Baseldytsch-Schryyb-Kurs e riise Aaklang gfunde het. "Ney-Grindet" doorum, will s schwarz Duume scho mol gääh het!
Hyschtoorysch:
Scho 1927 hän sich Schriftsteller, Zyttygsautoore (Drum dr Naame "Schwarze Duume" / Druggerschwerzy...), Fasnächtler, Verleeger usw als luschtyge Drupp in dr Kunschtheeli regelmässyg troffe. Noonem Doot vom Fliggs Burgget (Blasius) und
em Untergang vo de legendääre Kuttlebutzer, isch die Tradyzioon nimmy wyttersgfiehrt worde. ...bis denn ebbe die Antiquierte dä Bruuch wider hän loo ufferschtooh.
Wär oder Was simmr?
Nai! Mr sinn kainy Besserwisser! - Mr sinn au kainy Wältverbesserer! Mr sin kainy Lyt, wo im multymediaale Zentrum schteehn.... mr sin aifach "grauy Emynänze" im ganze Baseldytsche Kueche....